A Axente de Emprego de Pontevedra informa da convocatoria dun posto de traballo de profesor da escola Universitaria de Enfermería de Pontevedra

CSI●F               JUSTICIA INFORMA

CONVOCATORIA DUN POSTO DE TRABALLO DE PROFESOR DA ESCOLA UNIVERSITARIA DE ENFERMERÍA.

Esta convocatoria ten por obxecto cubrir posto de traballo de profesor, vacante no cadro de persoal laboral da Escola Universitaria de Enfermería para o curso académico 2011/2012, e mediante o sistema de concurso.

O concurso levaráse a cabo mediante valoración de méritos e entrevista persoal.

REQUISITOS DOS CANDIDATOS

Para ser admitido neste proceso selectivo os aspirante deberán reunir os seguintes requisitos na data en que finalice o prazo de presentación de solicitudes e mantelos ata a súa contratación:

a)   Ter nacionalidade española.

b)   Ter cumpridos os dezaseis anos de idades e non exceder da idade máxima de xubilación forzosa.

c)   Estar en posesión da titulación académica de Diplomado Universitario de Enfermería.

d)   Non ter sido separado, mediante expediente disciplinario, do servizo de calquera das administracións públicas.

e)   Posuír a capacidade funcional para o desenvolvemento das tarefas habituáis do posto ao que aspira.

f)    Ter ingresado na Tesourería da Deputación ou na cota bancaria novacaixagalicia nº 2080 0401 68 0040106618 a cantidade fixada como dereitos de exame. (35€).

g)   Proxecto docente.

SOLICITUDES

As solicitudes axustaranse ao modelo que se poderá encontrar no BOPDEPO do 12 de xullo de 2011 e dirixiranse ao Ilmo. Sr. Presidente da Escola de Enfermería no prazo de dez días nauráis, contados a partir do día seguinte ao da publicación desta convocatoria no Boletín Oficial da Provincia.

Coa instancia achegaranse necesariamente os seguintes documentos:

a)   Fotocopia do D.N.I.

b)   Fotocopia do título académico esixido.

c)   Xustificante de pagamento das tasas.

d)   C.V. detallado conforme o modelo do BOPDEPO do 12 de xullo de 2011.

e)   Xustificantes de todos os méritos alegados.

f)    Proxecto docente.

VALORACIÓN DE MÉRITOS

·         Experiencia investigadora, ata un máximo de 5 puntos.

·         Experiencia docente, ata un máximo de 15 puntos.

·         Experiencia profesional, ata un máximo de 10 puntos.

·         Outros méritos, ata un máximo de 5 puntos.

ENTREVISTA

A entrevista persoal consistirá na exposición oral do seu C.V. e proxect docente adecuado ao perfil do posto, que será valorada de 0 a 15 puntos.