Os Axentes de Emprego do CSI-F de Pontevedra informan das bases para a contratación laboral de 1 técnico deportivo.

CSI●F               JUSTICIA INFORMA

CONCELLO DE BUEU

BASES PARA A CONTRATACIÓN LABORAL TEMPORAL DE 1 TÉCNICO/A

DEPORTIVO/A.

1ª Obxecto

O obxecto da presenta convocatoria é a contratación de 1 técnico/a deportivo/a por un período de 6 meses para prestar os seus servizos no Concello de Bueu.

2ª Requisitos dos aspirantes

a) Ser cidadán comunitario ou daqueles estados que, en virtude dos tratados internacionais celebrados pola Unión Europea e ratificados por España, sexa de aplicación a libre circulación de traballadores.

b) Ter cumpridos os 18 anos de idade.

c) Non padecer enfermidade ou eiva que impida o normal desenvolvemento das funcións exixidas.

d) Non estar incapacitado ou inhabilitado para o exercicio de funcións públicas.

e) Non estar afectado por motivos de incompatibilidade establecidos na lexislación vixente.

f) Titulación: licenciatura en ciencias da actividade física e do deporte ou en educación física

3ª Tipo de contrato e xornada de traballo

O contrato será de duración determinada por un período de 6 meses e a xornada de traballo será a tempo completo establecida en 37,5 h. semanais.

4ª Retribucións:

As retribucións brutas mensuais serán de 1239,94 euros.

5ª Funcións

Técnico/a deportivo/a

·  Xestionar programas deportivos

·  Coordinar actividades entre organismos

·  Asesorar en materia de actividades deportivas

·  Xestionar rexistros e censos

·  Xestionar expedientes en materia deportiva

·  Elaborar informes de valoración en materia deportiva

·  Elaborar e avaliar programas de actividade física no ámbito municipal

·  Diagnóstico da idoneidade das instalacións para a realización de actividades.

6ª Solicitudes

As persoas que desexen tomar parte no procedemento selectivo para esta contratación deberán presentar as súas solicitudes no Rexistro municipal no prazo de 6 días naturais contados dende o seguinte ao da publicación do anuncio coa seguinte documentación:

·  Instancia de solicitude

·  Documento de identidade (DNI ou NIE)

·  Título exixido na convocatoria

·  Documentos que acrediten os méritos alegados na fase de concurso.

·  Declaración xurada de cumprir os requisitos exixidos na base segunda da

convocatoria. (apartados c), d), e)

Os méritos non acreditados conforme ao establecido nestas bases non serán tidos en conta pola comisión de valoración.

Os documentos presentaranse en copia debidamente compulsada. As persoas que xa se presentaran a outros procesos selectivos poderán solicitar que se lle teña en conta a documentación presentada anteriormente. Todo isto deberán facelo constar na solicitude, indicando o proceso selectivo e o ano.

7ª Procedemento de selección

O procedemento selectivo será o de concurso de méritos con base nos seguintes criterios:

A) Cursos de formación relacionados coa actividade física e a saúde:

·  Cursos, seminarios e xornadas de menos de 20 h. lectivas: 0,10 puntos por curso.

·  Cursos, seminarios e xornadas de 20 h. ata 60 h. lectivas: 0,20 puntos por curso.

·  Cursos, seminarios e xornadas de 60 ou máis horas: 0,40 puntos por curso.

·  Másters ou cursos de posgrao: 1,5 puntos.

A puntuación máxima neste apartado será de 3 puntos.

Aqueles cursos onde non se especifique nin número de días nin de horas, serán valorados coa puntuación mínima.

B) Coñecemento de galego

·  Por estar en posesión do Celga 1: 0,25 puntos.

·  Por estar en posesión do Celga 2: 0,30 puntos.

·  Por estar en posesión do Celga 3: 0,40 puntos.

·  Por estar en posesión do Celga 4: 0,50 puntos.

Valorarase o certificado ou curso de nivel superior.

C) Experiencia profesional:

·  Por servizos prestados na administración local en postos relacionados coas

funcións a desenvolver: 0,2 puntos por mes.

·  Por servizos prestados noutra administración pública: 0,05 puntos por mes

traballado.